Disa persona janë transportuar në spital për trajtim dhe ndihmë mjekësore pas aksidentit të trafikut që ka ndodhur pasditen e sotme në rrugën kryesore Kërçovë-Gostivar afër Zajazit.
Policia është duke kryer kontrollet e ndërkaq komunikacioni është në ndërprerje.
Sipas informacioneve nga SPB Ohër, në zonën ndërmjet fshatit Zajaz dhe Greshnicë, rreth orës 15:00 ka ndodhur një aksident trafiku në të cilin janë përfshirë tre automjete të pasagjerëve dhe një i mallrave (kamion). Menjëherë pas raportimit, disa persona janë transportuar në institucionet mjekësore për ofrimin e ndihmës.
Arsyet që kanë çuar në aksident do të dihen pas hetimeve që po vazhdojnë.
Nga LAMM njoftuan se për shkak të aksidentit të trafikut në rrugën Kërçovë-Gostivar nga ora 15;35 komunikacioni është në ndërprerje në të dy drejtimet.
