Vetëm policia ka të drejtë të identifikojë, për shkak të së cilës të enjten është dërguar një letër deri te Komisioni për Sëmundje Infektive, për të shqyrtuar edhe një herë këtë kusht që u është imponuar hotelierëve, tha sot ministri i Ekonomisë, Kreshnik Bekteshi.
Siç tha Bekteshi në konferencën për shtyp, kur të mbërrijë përgjigja e Komisionit, do të dihet nëse ekziston mundësia e një ndryshimi në këtë pikë të protokollit për funksionimin e restoranteve dhe kafeneve.
“Javën e kaluar, të enjten, i dërgova një letër Komisionit për të rishikuar vendimet e protokolleve, në veçanti pikat tetë dhe nëntë që i referohen identifikimit të vizitorëve në ambientet e hotelierisë. Ministria e Ekonomisë beson se vetëm policia dhe askush tjetër nuk kanë të drejtë të legjitimojnë. Po pres një përgjigje nga Komisioni. Kur do ta marrim atë dhe kur e dimë nëse mund të ketë ndryshime, ne do ta hapim këtë çështje në një seancë qeveritare ku do të marrim një vendim të duhur”, theksoi Bekteshi.
