Talat Xhaferi: Nëse më 3 janar formohet Qeveria teknike, atëherë nuk ka mundësi të shtyhen zgjedhjet

Nëse zgjedhjet duhet të mbahen më 12 prill, 3 janari është afati i fundit për zgjedhjen e Qeverisë teknike, rithekson kreu i Kuvendit Talat Xhaferi. Sipas tij, nëse nuk respektohet 3 janari, nuk respektohet ligji i cili parashikon 100 ditë qeveri teknike. Xhaferi poashtu shtoi se nëse zgjedhet Qeveria teknike, nuk ka më mundësi që të shtyhen zgjedhjet e parapara për më 12 prill sepse qeveria sipas modelit të Përzhinës është për të zbatuar zgjedhjet dhe jo me mandat deri në formimin e Qeverisë së re. Këto komente Xhaferi i bëri pas takimit të zakonshëm me gazetarët.