Kryetari Ramiz Merko finalizon krijimin e ndërmarrjes së re Ujësjellësi dhe Kanalizimi – Strugë
Kryetari i Komunës së Strugës, z. Ramiz Merko sot e ka kryer aktin final të themelimit të ndërmarrjes së re të Ujësjellësit dhe Kanalizimit në Strugë duke emëruar U.D. Drejtorin e kësaj ndërmarrje Dr. Jeton Shaqirin, gjë me të cilën përfundimisht merr fund Ndërmarrja Ndërkomunale Proaqua e cila historikisht u tregua se nuk ishte e suksesshme si e tillë, sepse ishin tre njësi punuese që punonin si të pavarura por asnjëherë nuk ishin të pavarura dhe komplikimet nga kjo situatë ishin të panumërta.
Sot mund të krenohemi se këmbëngulja dhe ndihma e kryetarit Ramiz Merko solli rezultatet e veta dhe po krijohet një ndërmarrje e re plotësisht konform ligjit dhe standardeve më bashkëkohore, e cila do të funksionojë si e pavarur dhe çka është më e rëndësishme fillon prej në zero, duke e fshirë periudhën e errët të NPN Proaqua-s e cila vite me rradhë ishte sinonim i dështimit.
E gëzofshim ndërmarrjen e re.
Zyra për marrëdhënie më publikun,
Komuna e Strugës
