Nëpërmjet një njoftimi të LSDM-së thuhet se “Mickoski po taktizon, dhe nuk tregon qëndrim të qartë dhe nuk ju bën thirrje deputetëve nga OBRM-PDUKM të mbështesin kërkesën e deputetëve të LSDM për interpretim autentik”.
“Me interpretim autentik të nenin 11 të Ligjit për falje, po ndalohen të gjitha përpjekjet për t’u kthyer amnistia ilegale e Gjorge Ivanovit”, shprehen nga LSDM, njofton Telegrafi Maqedoni.
Sipas tyre, partia e tyre po lufton për drejtësi ndërsa OBRM-PDUKM po mbron krimin.
“Mickoski të del para opinionit dhe t’u bëjë thirrje deputetëve të OBRM-PDUKM të votojnë për interpretim autentik”, thuhet në njoftimin e LSDM-së.
Në fund ata shtojnë se qytetarët dhe institucionet nuk do të lejojnë shkatërrim të drejtësisë dhe sektorit gjyqësor./Telegrafi/
