Qeveria në seancën e sotme të rregullt të 162-të do ta shqyrtojë Informacionin për përgatitjen e Propozim-strategjisë nacionale për zhvillim të konceptit për një shoqëri dhe interkulturalizëm dhe do ta vendosë në miratim Strategjinë nacionale dhe Planin aksionar për zbatim në vitet 2020-2022.
Në rend të ditës janë edhe informatat për koordinim të aktiviteteve për përgatitje të strategjisë afatmesme për përgjegjësi shoqërore të Republikës të Maqedonisë së Veriut, për zbatimin e strategjisë nacionale për ndërmarrjet e vogla dhe të mesme 2018-2023, si dhe për pranim të organizimit dhe zbatimit të trajnimit të vendeve anëtare të NATO-s për përgjigje të koordinuar gjatë katastrofave për të cilën vitin e ardhshëm nikoqir duhet të jetë Republika e Maqedonisë së Veirut.
Para Qeverisë janë edhe Propozim-programi për ndryshime të Programit për mbështetje financiare në peshkatari dhe akuakulturë për vitin 2019, në propozim të Ministrisë së Bujqësisë, Pylltarisë dhe Ekonomisë së Ujërave, e cila për këtë seancë do ta prezantojë edhe informacionin me Propozim-programin për ndryshime dhe plotësime të programit për mbështetje financiare të zhvillimit rural për vitin 2019.
