Kryetari i Lëvizjes BESA, Bilall Kasami, në një intervist për emisionin “10 minuta”, në Tv21, ka folur rreth krizës politike të cilën e ka kapluar Maqedoninë e Veriut dhe sipas tij zgjedhjet e parakoshme janë të pa evitueshme, njofton AlbaNews.
Maqedonia është duke kaluar nga një krizë në tjetrën, dhe rasti i fundit Reket apo Zhvatja, tregon se sa politika është e korruptuar dhe se nga ky rast ka gjasa të jenë të përfshirë më tepër individ, e jo vetëm Katica Janeva dhe për këtë dhe shumë lëshime tjera që ka kjo përbërje qeverisëse, nuk na lejon gjë tjetër, përpos zgjedhjeve të parakoshme, të cilat janë vendimitare dhe shumë të rëndësishme për vendin, tha mes tjerash Kasami.
