Drejtori i Agjencisë për Ushqim dhe Veterinari, Zoran Atansov tha se “në tre muajt e para të këtij viti janë kryer rreth 50.000 kontrolle për sigurinë e ushqimit në vend dhe janë ngritur dy padi penale kundër operatorëve që kanë rrezikuar shëndetin e njerëzve me lëshimin e ushqimet të pasigurt”.
Ai vlerësoi se në vend hahet ushqim i sigurt dhe se legjislacioni në këtë fushë për 88 për qind është harmonizuar me legjislaturën evropiane. Atansov theksoi se Agjencia përpunon programe të posaçme për praninë e kontaminimeve kimike, biologjike dhe fizike dhe se ligjërisht kjo drejtori është e obliguar të kryejë kontrolle nëpër marketet e vendit. Krahas dokumentimit, merren edhe mostra dhe çohen në laboratori për hulumtim.
“Në Maqedonia hahet ushqim i sigurt, dhe se këtë e dëshmojnë edhe numrat”, thotë Atanasov.
Mungesat më të shpeshta që zbulohen janë falsifikimi, përkatësisht kur përdoren etiketa të ndryshme që tregon diçka tjetër. Atanasov sqaroi se vitin e kaluar ka pasur mashtrim të klientëve me mish të bluar dhe se për këtë janë dënuar shtatë operatorë. Kontrolli atëherë ka vërtetuar se në mishin e derrit dhe të viçit është vendosur mish pule dhe nuk është deklaruar.
