Vesa Pollozhani,vogëlushja e talentuar nga Struga fiton çmimin e parë në festivalin e këngës për fëmijë “FLUTURAT” në Kumanovë.
Në këtë festival ku merrnin pjesë 15 konkurentë, ishte juria profesioniste prej 5 anëtarësh nga Prishtina, Shkupi dhe Gjilani që vlerësoi këngën e vogëlushes Vesa Pollozhani,si kënga më e mirë e festivalit (vendi i parë).
Kënga “Dhuro mirësi” me tekst dhe kompozim nga kantautori i njohur strugan,Vullnet Ibraimi, u mirëprit jashtëzakonisht mirë nga publiku që ishte prezent në sallë.
Ky është çmimi i dytë me radhë i Vesa Pollozhanit, ku vitin e kaluar në festivalin “Junior Fest 2018” në Gostivar u vlerësua me çmimin e parë nga juria dhe një tjetër çmim të parë nga publiku.(Struga Ekspres)
