Një rast i paprecedent dhune ka ndodhur në qytetin e Pogradecit ditën e sotme. Burri është dhunuar barbarisht nga bashkëshortja e tij, por më e keqja është se çdo gjest e bën para syve të fëmijës së tyre.
Gruaja e quajtur Elsa, gjuan me shkelma dhe me fshesë bashkëshortin e vet, i cili nuk reagon ndaj goditjeve të saj. Ai madje i pafuqishëm shtrihet përtokë, njëra atlete i del nga këmbët, ndërkohë që gruaja e vet përveçse i bërtet, i thotë edhe të ngrihet në këmbë, më shumë për ta vënë në sedër ndaj personave që po e shihnin dhe po e filmonin.
Fëmija i tyre, i cili mund të jetë afërsisht 4 ose 5 vjeç, qesh kur sheh të ëmën duke rrahur babain e vet. Mesa duket kjo skenë nuk ka ndodhur për herë të parë mes prindërve të tij. Janë komshiet që e kritikojnë Elsën, ku i thonë të mos e godasë më. Gjithashtu i thonë ta lërë të ngrihet avash-avash për të shkuar në shtëpi.
Bashkëshortja e revoltuar kurrsesi nuk i dëgjon fqinjët. Ajo e kap nga jaka e xhupit dhe me dhunë e fut në pallat, ku si duket kanë edhe shtëpinë.
Djemtë të cilët kanë bërë edhe videon, nuk e ndihmojnë burrin e dhunuar për ta laguar nga bashkëshortja. Përkundrazi ata bëjnë sehir dhe qeshin ndaj gjesteve të dhimbshme të një gruaje të inatosur ndaj burrit.
