Ditën e shtunë mê 22.12.2018, muftiu i Muftinisë së Strugës Mr. Salim Sulejmani me autorizim të kryetarit të Bashkësisë Fetare Islame Reis ul-ulema Haxhi Sulejman Ef. Rexhepi, mori pjesë në manifestimin për nderë të Ditëlindjes së Pejgamberit a.s që u mbajt në xhaminë e Golemit në Kavajë,njofton Struga Ekspres.
Muftiu ligjëroi për personalitetin e Pejgamberit a.s si mëshirë për botët. Përveç ligjëratës Muftiu lexoi edhe një pjesë të mevludit i cili u prit shumë këndshëm nga xhemati i pranishëm.
Si shoqërues i Muftiut në këtë manifestim ishte edhe nxënësi i Medresë “Isa Beu” në Shkup, Arben Emini i cili me zërin e tij të bukur e zbukuroj edhe më shumë këtë manifestim. Në fund Muftiu falënderoi nikoqiret për mikpritjen e tyre të mrekullueshme.
(Struga Ekspres)
