MOS M’PREK N’MAKIATO…

Disa ditë me rradhë protestohet në Francë nga shkaku se karburantet janë shtrenjtu për 6 cent, po po vetëm 6 cent dhe protestuesit janë në gjendje ta djegin shtetin edhe pse ky shtrenjtim nuk i prek fare xhepat e qytetarëve duke u bazuar në të ardhurat e tyre mujore.
Në krye të këtyre protestave qëndrojnë filozof, artist, shkencëtar e profesor.
Në vendin tonë për çdo ditë shtrenjtohet buka, karburantet, pelenat, vaji e mishi dhe ne asnjëherë nuk e kemi ngritur zërin për këto shtrenjtime, mirëpo ende nuk kemi shtrenjtime të makiatos; vetëm kur shteti do të na shtrenjtojë makiaton atëherë ne do të çohemi në protesta, sepse ne tërë ditën e kalojmë duke pirë makiato, ne edhe kur diskutojmë për politikë pimë makiato, ne kur nervozohemi e përtypim lugën e makiatos, ne kur tërbohemi e thyejm filxhanin e makiatos; pra me një fjalë ne mund të çohemi në protesta vetëm nëse shtrenjtohet çmimi i makiatos, derisa kjo gjë nuk ndodh, ne do të vazhdojmë të pimë makiato, duke parë në televizor se si protestojnë “budallenjtë” francez.
☕☕☕
Hasim Memishi-aktor