Kryetari i Komunës së Dibrës, Ruzhdi Lata është në gjendje të rëndë shëndetësore. Burime të portalit informativ Fol thonë se Lata është i shtruar prej disa ditësh në Spitalin Klinik në Shkup në repartin e Transfuziologjisë dhe vuan nga një sëmundje e rëndë.
Lata në Shkup është transferuar pas ardhjes nga një spital jashtë shtetit ku i ka kryer ekzaminimet shtesë mjekësore.
Sipas burimeve tona, Lata është diagnostifikuar me AML Leukemi, ndërsa gjithë kjo situatë po mbahet e fshehtë prej opinionit për ditë dhe javë të tëra.
