Presidenti aktual i Shteteve të Bashkuara të Amerikës, Donald Trump, ka lindur i pasur.
Ai ishte miliarder që në vitet e para të jetës së tij, sipas New York Times.
Që në moshën 3-vjeçare ai fitonte 200 mijë dollarë në vit, e po ashtu i ati i la një pasuri prej 413 milionë dollarësh.
Kjo ishte vetëm në vitet e para, por pasi mbaroi kolegjin, i ati i jepte rreth 1 milionë dollarë në vit.
Pasuria e akumuluar e Donald Trump ka ardhur duke u rritur me kalimin e viteve. Megjithatë sulmet ndaj Trump lidhur me pasurinë e tij kanë qenë të shumta.
Madje së fundmi ai akuzohet edhe për mos pagesë taksash për disa biznese të tij.
Por, Shtëpia e Bardhë i ka hedhur poshtë këto akuza duke i quajtur sulme politike e të papërshtatshme.
