Juventusi ka marrë një tjetër fitore të rëndësishme pasi ka mundur Parmën në ndeshjen e javës së tretë në Serie A.
Të besuarit e Massimiliano Allegrit vijuan ecurinë pozitive pasi fituan me rezultatin 2-1, ndërsa Ronaldo ende nuk ka sh?nuar golin e parë me fanellën e “Zonjës së Vjetër”.
Juventusi e nisi ndeshjen furishëm dhe pas vetëm dy minutave kaloi në avantazh, falë Mario Mandzukicit, i cili u tregua i shkathet pranë portës kundërshtare.
Reagimi i Parmës të rikthyer këtë vit në Serie A ishte fantastik, me Gervinhon që realizoi golin e barazimit pas gjysmë ore lojë.
Allegri e nisi pjesën e dytë duke e futur në lojë Douglas Costan në vend të Federicho Bernardeschit, dhe futja e tij e ndryshoi ritmin e ndeshjes.
Juve e shfrytëzoi këtë dhe ktheu avantazhin përmes Blasie Matuidit.
Ronaldo bëri disa përpjekje të pareshtura nga krahu i djathtë, por dështoi të shënonte.
Kjo ishte fitorja e tretë e Juves që kryeson tabelën me 9 pikë të grumbulluara.