Kryetari i Lëvizjes BESA, Bilall Kasami bashkë me deputetët e Lëvizjes BESA Teuta Bilalli dhe Fadil Zendelin, realizuan takim me përfaqësues nga Asambleja Parlamentare e Këshillit të Evropës (PACE).
Në këtë takim u bisedua për rrugëtimin e Maqedonisë drejt bashkimit evropian, të dyja palët përshëndetën arritjen e marrëveshjes për çështjen e emrit me Greqinë si dhe rëndësinë e implementimit të së njejtës marrëveshje, poashtu u diskutuan edhe çështja e realizimit të reformave të rregullativës ligjore në plotsimin e kushteve të nevojshme për aderim në bashkimin evropian.
Kryetari i Lëvizjes BESA, Bilall Kasami gjatë këtij takimi kërkoi që të mos mbrohet vetëm identiteti Maqedonas me ndryshimin e emrit të shtetit duke i cënuar kështu etnitetet tjera këtu në Republikën e Maqedonisë.
Të dyja palët u dakorduan që takime të këtilla miqësore dhe konstruktive të ketë edhe në të ardhmen.
