Sot në ambientet e Sallës së madhe të Këshillit të komunës së Strugës, Kryetari i komunës së Strugës z. Ramis Merko sëbashku me shefin e kabinetit z. Dashmir Nasufi dhe kryetarin e këshillit komunal z. Resul Kaba pritën në takim përfaqësues nga Instituti Kosovar për Qeverisje Lokale, të cilët po zhvillojnë një trajnim modular tri ditor në Republikën e Maqedonisë me funksionar dhe zyrtarë të disa komunave.
Takimi ka për qëllim thellimin e mëtejmë të bashkëpunimit strategjik, shkëmbimin e nevojave politik-bërëse dhe njohjen e praktikave të Maqedonisë në fushën e bashkëpunimit ndër-komunal kryesisht me komunën e Strugës.
Kryetari i komunës së Strugës i përshëndeti të pranishmit dhe ua prezantoi shkurtimisht qytetin dhe komunën e Strugës. Fillimisht ai i informoi për funksonimin e komunës si institucion si dhe për funksionimin e këshillit komunal.
“Ashtu sikur në Kosovë edhe tek ne në Maqedoni kryetari zgjidhet drejtpërdrejt nga populli me një mandat katër vjecar. Ky është mandate im i tretë si kryetar i komunës së Strugës. Në kuadër të komunës së Strugës funksionon Administrata komunale e ndarë në Sektorë dhe Njësi. Poashtu, komuna menaxhon dhe me dy ndërmarrje publike, atë të ujsjellës dhe kanalizim si dhe me ndërmarrjen për menaxhimin e mbeturinave në qytet. Këshilli komunal numëron 27 këshilltar, me kryetar z. Resul Kaba” – theksoi Merko.
Përpos, informimit nga ana e kryetarit fjalën e mori dhe Drejtori Ekzekutiv i Kosovo Local Government Institute, z. Besnik Muçaj i cili falenderoi për pritjen në këtë takim kryetarin e komunës dhe për mundësin e dhënë për përafrimin dhe shkëmbimin e përvojave në mes të komunës së Strugës dhe atyre të Republikës së Kosovës.
Më tej, delegacioni i përbërë nga zyrtarë të komunave patën rastin e hapjes së diskutimeve dhe pyetjeve drejtuar kryetarit të komunës sa i përket disa cështjeve kyc sic janë: funksionimi i administratës komunale me udhëheqësit e njësive dhe sektorëve, cështjes së arsimit, funksionimit të qendrës për zhvillim rajonal, funksionimit dhe udhëheqjes së ndërmarrjeve publike e kështu me radhë,
Për fund Kryetari i komunës së Strugës u shpreh i gatshëm për bashkëpunimin e mëtejshëm në interes për të dyja palët pse jo dhe me binjakëzim të komunave të Kosovës me komunën e Strugës.
(Komuna e Strugës)
