Amdi Bajrami mbrëmë ishte mysafir në emisionin “Samo Vistina” të Kanal 5 ku në pyetjen se a mbetet në qëndrimin që çdoherë duhet të jetë në pushtet, ai u përgjigj po.
“Është e vërtetë se jam çdoherë në pushtet. Çdoherë unë kam thënë se kush është në pushtet, jam edhe unë . Është normale të jesh në pushtet, sepse unë jam i vetmi rom në Kuvend dhe vetë asgjë nuk mund të bëj. Gruevski mjaft ka bërë për ne romët dhe unë e vlerësoj. Jemi të kënaqur nga ai koalicion, por me ikjen e Gruevskit edhe unë e kam lëshuar koalicionin”, tha Bajrami.
