Mot i pazakontë në Janar. Dielli dhe moti I kthjellët me temperatura mesatarisht të larta për këtë periudhë të viti bënë që në rrugët e qytetit të ketë lëvizje të mëdha të njerëzve. Kush për të shëtitur e kush për të kryer obligimet e përditshme. Mot me temperatura të tilla do të kemi edhe në ditët në vijim sidomos në gjatë ditëve të fundjavës.
Sot gjithkund është mot me diell, përveç pjesës veri-lindore, veçanërisht në Kriva Pallankë, atje ka rritje të lagështisë. Përndryshe frynë edhe erë e fortë e veriut përgjatë Vardarit që ndjehet edhe në luginën e Shkupit, sidomos në pjesët më të larta… Në ditët e ardhshme kemi periudhë me mot stabil dhe të thatë, nesër do të jetë pak më ftohtë. Gjatë ditëve në vijim, sidomos gjatë vikendit do të kemi mot të mirë me temperatura të larta- deklaroi sinoptikani Boris Sekirarski.
Nga Enti Hidrometerologjik njoftojnë se gjatë orëve të mbrëmjes do të ketë rritje të lagështisë në pjesën perëndimore të vendit, duke mos përjashtuar edhe reshjet e shiut ndërsa në pjesët malore edhe dëborës. Në ndërkohë moti i ngrohtë, në masë të madhe ka ndikuar edhe në rritjen e pacientëve nëpër ambulancat e vendit.
