Zjarri që i mori jetën të moshuarës

Një ngjarje e rëndë ndodhi mbrëmë pas mesnate në fshatin Llukovë të Strugës ku një shtëpi u shkrumua e tëra, e cila përfundoi me tragjedi ku humbi jetën një grua e moshës rreth 75-80 vjeç,mëson Struga Ekspres nga disa dëshmitar,banorë të atij vendi, por që këtë e konfirmojnë edhe nga njësiti i zjarrëfikësve në Strugë.
Zjarri përfshiu shtëpinë e të moshuarës pas mesnate, në ora 00:30 minuta të ditës së enjte.
Ekipet e zjarrëfikësve për Struga Ekspres thonë se ata bënë të pamundurën për ta shpëtuar gruan e moshuar por nga flakët e mëdha ka rënë dhe çatia dhe ka zënë gruan brenda.
Ekipet e policisë dhe hetuesisë gjenden në vendin e tragjedisë ku po hetojnë rastin.Ky rast ka tronditur të gjithë banorët e fshatit.(Struga Ekspres)