Komunikacioni në vend zhvillohet normalisht, nëpër korsi kryesisht të thata. Në vendet më të larta malore rrugët kanë korsi me lagështi dhe kjo mund të krijojë edhe ngrica.
Dendësia e komunikacionit në hapësirat jashtë qyteteve është mesatare, ndërkaq në vendkalimet kufitare nuk ka pritje të gjata për hyrje-dalje nga Maqedonia. Kjo informatë ka të bëjë vetëm për palën maqedonase.
Lidhja Auto-Moto e Maqedonisë (LAMM) kërkon nga qytetarët që të jenë të vëmendshëm në komunikacion, të përshtatin shpejtësinë e lëvizjes dhe të respektojnë sinjalistikën. Kujdes të posaçëm duhet të kenë ata qytetarë që lëvizin në gryka dhe ngushtica mali, pasi që mund të ketë rrokullisje gurësh.
Komunikacioni në drejtimin A3 Prilep-manastir-Resnjë përmes qarkores së Manastirit është ndërprerë për shkak të rrëshqitjes së dheut.
