Një ngjarje e rëndë ka ndodhur në Lezhë. Një grua është djegur dhe është dërguar në gjendje të rëndë në spitalin e Lezhës. Nga raportimet e para mësohet se gruaja ka djegie të rënda në trup.
Policia e Lezhës bën paraprakisht me dije se ka qenë bashkëshorti i cili ka vënë flakën gruas.
Mjekët në spitalin e Lezhës kanë vlerësuar se e plagosura ka nevojë për mjekim të specializuar, kësisoj gruaja po transportohet menjëherë drejt kryeqytetit.
