Ziadin Sela fton kryetarin e BDI Ali Ahmeti në mejdan zgjedhor në nivel kombëtarë.
Në një prononcim për Almakos, ai thotë se është i bindur se sikur LSDM dhe BDI të garonin bashkë në zgjedhjet e parakohshme parlamentare, humbjen do ta kishin të sigurte.
“Aleanca me Besë do të garojë edhe në zgjedhjet e ardhshme parlamentare dhe BDI-në do ta çojmë në opozitë”, ka thënë Sela.
Sipas tij, koalicioni me VMRO-DPMNE nuk vjen parasysh. “Mos më ofendoni, kjo është gjuha që BDI ka përdorur kohët e fundit dhe e Zoran Zaevit.”, vlerëson Sela.
Pritet që Ziadin Sela dhe Bilall Kasami që së bashku të sfidojnë BDI-në në zgjedhjet e ardhshme parlamentare ku sipas tyre do të “shkelin” atë me votë kudo ku ka votues shqiptar, sipas tyre fitoi LSDM-ja dhe jo BDI-ja.
