Turp dhe papërgjegjësi nga EVN
Në mes të rrugës në Frëngovë qëndron prej kohësh një orman elektrik i dëmtuar, i hapur dhe jashtë çdo standardi sigurie , një rrezik i drejtpërdrejtë për jetën e banorëve, fëmijëve dhe çdo kalimtari.
Si kryetar i bashkësisë lokale, kam bërë KËRKESA TË PËRSËRITURA dhe thirrje të vazhdueshme për ndërhyrje urgjente. Por përgjigjja e vetme nga EVN ka qenë heshtja dhe neglizhenca totale!
Kjo është e papranueshme. Qytetarët paguajnë rregullisht çdo faturë, ndërsa nga ana tjetër përballen me rrezik real në rrugë për shkak të mosveprimit të një kompanie që ka detyrim ligjor dhe moral të mirëmbajë rrjetin.
Nëse ndodh ndonjë aksident, përgjegjësia bie DIREKT mbi EVN.
Kërkojmë:
• Ndërhyrje të menjëhershme pa asnjë vonesë
• Sigurim të plotë të zonës
• Përgjegjësi për mosreagimin pas disa kërkesave
