Durmishi: Reformat po japin rezultate, Maqedonia e Veriut më afër BE-së
Ministri i Ekonomisë dhe Punës, Besar Durmishi, deklaroi se reformat e zbatuara nga Qeveria tashmë po japin rezultate konkrete dhe po e afrojnë Maqedoninë e Veriut me Bashkimin Evropian.
Ai theksoi se ndryshimet në Ligjin për Shoqëritë Tregtare kanë përmirësuar menaxhimin e ndërmarrjeve shtetërore dhe kanë rritur transparencën, ndërsa mbështetja financiare nga BE-ja është dëshmi e besimit në politikat reformuese.
“Ne po ndërtojmë institucione moderne dhe një ekonomi më të fortë,” tha Durmishi, duke shtuar se reformat do të vazhdojnë me intensitet të shtuar.
