Rrëmbyen 23-vjeçaren në Strugë, kallëzim penal ndaj katër të rinjve

MPB- Strugë ka paraqitur kallëzim penal kundër A.A. (25), D.K. (35), R.K. (18) dhe R.K. (21), të gjithë nga Shkupi, për shkak të dyshimit të bazuar për kryerjen e veprave penale “Rrëmbim” dhe “Bashkëkryerje në rrëmbim”. Të dyshuarit veprën e kanë kryer në rrugën “Marshall Tito” në Strugë, në dëm të një vajze 23-vjeçare nga Shkupi. Pasi A.A. e ka vërejtur vajzën, e ka ndjekur për njëfarë kohe dhe në një moment të përshtatshëm, me dhunë e ka futur në një automjet udhëtarësh, me ç’rast janë ndihmuar edhe nga të dyshuarit e tjerë.