Më 31.12.2025 rreth orës 14:30, në fshatin Koliçan i Epërm, rajoni i Shkupit, zyrtarë policorë nga Njësia për Tregti të Palejuar pranë SPB Shkup ndaluan një automjet pasagjerësh “BMW X5” me targa të Shkupit, i drejtuar nga I.E. (26) nga Shkupi. Për shkak të dyshimeve të bazuara për kryerjen e veprës penale sipas nenit 215 të Kodit Penal, automjeti u sekuestrua për kontroll të mëtejshëm.
Më 01.01.2026, zyrtarë policorë nga Njësia për Tregti të Palejuar pranë SPB Shkup, në koordinim me zyrtarë nga Sektori për Luftimin e Krimit të Organizuar dhe Serioz pranë MPB-së, si dhe zyrtarë të Drejtorisë së Doganave me qen shërbimi, mbi bazën e një urdhri gjyqësor të siguruar paraprakisht, kryen kontroll në automjet. Gjatë kontrollit, në një bunker të improvizuar në pjesën e poshtme të automjetit, u gjetën dhe u sekuestruan rreth 10 kilogramë kokainë.
I dyshuari I.E. është privuar nga liria dhe pas dokumentimit të plotë të rastit, ndaj tij do të ngrihet kallëzim penal.
