Rruga Strugë–Qafë Thanë vijon të mbetet e bllokuar prej orëve të paradites së sotme, si pasojë e përmbysjes së një cisterne me gaz pranë zonës së Qafë Thanës.
Autoritetet policore kanë bërë të ditur për Struga Ekspres se situata paraqet rrezik të lartë për qytetarët, ndaj qarkullimi në këtë segment rrugor është ndaluar plotësisht.
Sipas policisë, masa po merret për të mbrojtur jetën dhe sigurinë e pjesëmarrësve në trafik.
Në vendngjarje pritet mbërritja e ekspertëve përkatës, të cilët do të vlerësojnë situatën dhe do të ndërhyjnë për normalizimin e saj, me qëllim lirimin e rrugës sa më shpejt të jetë e mundur.
Autoritetet u bëjnë thirrje qytetarëve të shmangin këtë aks rrugor dhe të përdorin rrugë alternative deri në njoftimin e radhës.
(Struga Ekspres)
