Muhamer Seferi, një nga kuadrot më të spikatura të Lëvizjes Besa në Komunën e Sarajit, pritet të marrë drejtimin e Ndërmarrjes Publike “Parqe dhe Gjelbërim” në Shkup.
Sipas burimeve jozyrtare brenda koalicionit VLEN, Muhamer Seferi ka dominuar garën për drejtimin e ndërmarrjes “Parqe dhe Gjelbërim”, duke u veçuar mes disa kandidatëve falë përvojës dhe njohurive.
Seferi është ekonomist i diplomuar, me një përvojë dhjetëvjeçare në sektorin privat, ku ka ndërtuar reputacion si menaxher me vizion. Ai zotëron katër gjuhë të huaja, një aftësi që shihet si përparësi e rëndësishme në komunikimin institucional dhe bashkëpunimet ndërkombëtare.
Aktualisht i angazhuar në Agjencinë për Mbështetje Financiare dhe Zhvillim Rural, Seferi vlerësohet si një profesionist me potencial të lartë drejtues.
Emërimi i tij në krye të “Parqe dhe Gjelbërim” shihet si pjesë e përpjekjeve për të sjellë energji të reja dhe qasje moderne në menaxhimin e hapësirave publike të Shkupit.
