Nesër, në ora 13:00, këshilltarët e rinj të zgjedhur në Këshillin Komunal të Strugës do të marrin zyrtarisht mandatet e tyre nga Komisioni Komunal Zgjedhor- Strugë, njofton Struga Ekspres.
Ceremonia e dorëzimit të mandateve do të zhvillohet në hapësirat e KKZ-së në Strugë, nën drejtimin e kryetarit të komisionit, Minir Zhuta.
Me marrjen e mandateve, këshilltarët e rinj do të jenë gati për seancën e parë konstituive të Këshillit Komunal, ku pritet të verifikohet përbërja e re dhe të zgjidhen organet drejtuese të këshillit.
Ky hap shënon fillimin e një faze të re të jetës institucionale në Komunën e Strugës, pas përfundimit të procesit zgjedhor dhe shpalljes së rezultateve përfundimtare.
(Struga Ekspres)