EVN lë pa energji elektrike për më shumë se 7 orë banorët e zonës
Banorët e Frëngovës përballën sot me mungesë të energjisë elektrike për më shumë se 7 orë.
Ndërprerja filloi në orët e paradites dhe po vazhdon deri në mbrëmje, duke shkaktuar vështirësi në aktivitetet e përditshme të qytetarëve dhe bizneseve.
Nga EVN nuk është dhënë ende një sqarim i detajuar për arsyet e ndërprerjes, megjithëse burime jozyrtare flasin për punime teknike në rrjetin elektrik. Banorët shprehin pakënaqësi për mungesën e paralajmërimit dhe kërkojnë nga kompania masa për përmirësimin e furnizimit të qëndrueshëm me energji.