Sot vizitova Burgun e Strugës, ku u pritëm nga drejtori z.Ardit Mustafai, i shoqëruar nga z.Blerand Kaba.
Ata na njohën me situatën e përgjithshme dhe gjendjen në të cilën ndodhet burgu dhe të burgosurit.
Gjendja aktuale e burgut është shqetësuese, duke pasur parasysh nevojat urgjente për renovim dhe përmirësim të kushteve të jetesës. Ky institucion, i cili ka një rol të rëndësishëm në rehabilitimin e personave të dënuar, duket se ka nevojë për investime serioze për të siguruar kushte më të mira për të burgosurit dhe për stafin që punon aty.Një investim i tillë nuk është vetëm një nevojë infrastrukturore, por një investim në rehabilitimin dhe ri-integrimin e të burgosurve në shoqëri pasi ta kryejnë dënimin.
Salim Sulejmani-Deputet i VLEN
