Dezinformatat në Ballkan po vazhdojnë dhe këtë më së miri po e shfrytëzon Rusia.
Ajo nuk po kursen asnjë pozitë në shtetet Ballkanit, vetëm e vetëm që të depërtojë te çdo shtresë e shoqërisë, shkruan TV21.
Në Samitin Ballkanik për dezinformimin, u ngrit alarmi se Rusia po përdorë politikanë, institucione fetare dhe mediat që të zhvillojë propagandën e saj.
Jasna Jelisiq, nga EEAS tha se një studim ka treguar se nga dezinformatat ndikohen edhe mjekët dhe gjyqtarët.
Kurse Vlladimir Sazanov thotë se për të shtrirë propagandën e saj, Rusia jep edhe mito. Sipas tij, ndikohen edhe akademikët dhe klerikët fetarë.
Por si të parandalohet kjo?
Vlerësohet se duhet të ketë bashkim forcash në mënyrë që njerëzit të edukohen për të dalluar lajmet e rreme.
