E si mos ikësh nga sytë këmbët kur dëgjon budallallëqet dhe sheh grimasat e një ciniku përbuzës të liderit politik shqiptar, Ali Ahmetit.
Nuk ka lartësi page që të ngushëllon e të kursen nga kjo figurë tashmë komike por fatkeqësisht me peshë e pushtet politik. Uh çfarë makthi kur e di se fati yt e i njerëzve të tu varet nga një njeri si ky!!!!
Nëse do e përktheje në anglisht atë çfarë këpuste ai sot dhe do e transmetoje diku jashtë, në sytë dhe veshët e një evropiani perëndimor performanca e tij do dukej një parodi e mirëfilltë.
Shumë e vërtet thënia e Napoleonit “Nga madhështor në qesharak është vetëm një hap”. Ali Ahmetin s’ke si e merr më seriozisht, nuk ka kuptim e as vlerë asnjë analizë serioze kur dëgjon çfarë marrësish infantile po i këput, dhe me delirin e tij tashmë, edhe krejtësisht pa teklif. Sa komike aq edhe tragjike.
Bekim Qoku
