Arben Labenishti, anëtari i partisë Alternativa, godet ashpër manifestimin e BDI-së me rastin e 20 vjetorit të themelimit të kësaj të fundit, shkruan Struga Ekspres.
Sipas Arben Labenishtit, manifestimet e BDI-së dëshmojnë se ata udhëtimin e tyre politik e bëjnë me intriga, demagogji dhe abuzime sepse vazhdojnë të thellojnë edhe më shumë varfêrinë dhe mjerimin e popullit.
Labenishti thotë se atë që BDI e shet si arritje ajo është vetëm një mashtrim.
“Manifestimet me rastin e 20 vjetorit të themelimit të BDI- së, dëshmuan edhe një herë se ata e vazhdojnë udhëtimin e tyre me intrigë, demagogji, abuzim dhe mungesë vizioni.
Modeli i tyre politik, kulturor dhe arsimor është shumë largë interesave kombëtare shqiptare.
Ata, e kanë sjellë dhe vazhdojnë ta thellojnë edhe më shumë varfërinë dhe mjerimin e popullit tonë, në kuptimin e mirëqenies dhe dinjitetit të tij.
Atë që po përpiqen ta shesin si arritje, është vetëm mashtrim!”,shkruan Arben Labenishti.
(Struga Ekspres)
