Një vajzë e re ka tentuar të vetëmbytet në Ohër, në afërsi të kanalit të Studençishtës afër Biljanini Izvorit, përballë ndërtesës së Policisë së Liqenit, raporton Factor.mk, përcjell Struga Ekspres.
Vajza, duke qarë me të madhe, ka hyrë në liqenin e Ohrit dhe ka notuar njëqind metra. Ekipi i Factor ka qenë dëshmitar i kësaj ngjarje dhe ka denoncuar rastin në polici.
E qara e fortë e vajzës ka shqetësuar personat që po ecnin pranë ish-kafe bar “Cuba Libre”. Teksa po notonte në thellësi, një grua e ulur në një stol aty pranë shkoi në godinën e policisë për të denoncuar rastin.
Disa qytetarë e shikonin në heshtje dhe një grup tjetër grash që ndodheshin aty pranë, vrapuan në polici dhe prej aty na thanë se tashmë kishin marrë një telefonatë se një vajzë e re donte t’i merrte jetën vetes. Policia dhe ushtria janë kundërpërgjigjur pas pak minutash. Dhe para se policia të mund ta thërriste vajzën, ajo filloi ngadalë të notonte drejt bregut.
“Thirrni një ambulancë”, u tha kolegëve një nga oficerët dhe vajza ende po qante me të madhe, por tashmë kishte dalë nga liqeni. Policia dhe ushtria e morën për dore dhe e çuan në godinën e Policisë.
