Ministri i Arsimit, Jeton Shaqir tha se respekton të drejtën sindikale për grevë, por sipas tij, greva e përgjithshme duhej të ishte hapi i fundit për zgjidhjen e çështjes së pagave në arsim dhe kopshte. Shaqiri bëri thirrje që sa më shpejt të arrihet një marrëveshje e përbashkët për këto çështje dhe të vazhdojë mësimi. Shaqiri e dha këtë qëndrim gjatë një vizite në shkollën e mesme “Vlado Tasevski” ku po bëhet testimi ndërkombëtar PISA.
“Ministria e Arsimit dhe Shkencës është në komunikim me drejtorët e të gjitha shkollave fillore dhe të mesme për atë nëse dhe si po zhvillohet mësimi dhe sa janë të përfshirë në grevë. Pas orës 14, gjegjësisht pas fillimit të turnit të dytë nëpër shkolla, do të kenë informacione për përfshirjen e tyre në grevë”, tha ministri Arsimit dhe Shkencës, Jeton Shaqiri.
