Kryetari i VMRO-DPMNE-së, Hristijan Mickoski, gjatë ditës së sotme ka deklaruar se ai është i gatshëm të bisedojë për heqjen e 20% nga Kushtetuta, por kërkon të fshihet edhe badenteri.
Ai tha se pret që të gjej mbështetje edhe nga partitë tjera politike për një njësi zgjedhore.
“Jam i gatshëm të bisedoj për fshirjen e badenterit, për fshirjen e balancuesit sepse e shoh se disa parti politike gradualisht duan ta lëshojnë Marrëveshjen e Ohrit. Kështu që, ejani bashkërisht të krijojmë shoqëri që do të projektohet sot për 50 vitet e ardhshme. Kjo vjen se ka qytetarë që nuk duan të jenë të ofenduar duke qenë pjesë e një kuote apo të ndonjë përqindje”, deklaroi kryetari i partisë më të madhe opozitare maqedonase, Hristijan Mickoski.
