Presidenti polak, Andrzej Duda, në një intervistë rreth agresionin rus në Ukrainë, ka dhënë një paralajmërim se nëse Rusia përdor armë kimike apo të shkatërrimit në mas, ‘loja do të ndryshojë’ për të gjithë, duke nënkuptuar përfshirjen e NATO-s.
Presidenti polak Duda ngriti mundësinë e ndërhyrjes së NATO-s, duke thënë se përdorimi i armëve të shkatërrimit në masë nga Putin do të ndryshonte plotësisht skenarin. Në atë rast, NATO duhet të mendojë seriozisht se si të reagojë.
“Të gjithë shpresojnë se ai nuk do të guxonte ta bënte këtë. Por, nëse ai përdor armë të shkatërrimit në masë, kjo do të ishte një ndryshim i lojës për të gjithë”, tha Duda për BBC.
Për disa ditë, inteligjenca perëndimore ka paralajmëruar për një përdorim të mundshëm të armëve kimike nga Rusia.
