Si në Ohër ashtu edhe në Strugë, u krijuan turma për vaksinim kundër Covid 19, dhe qytetarët po kërkonin mënyrë për të qenë të parët që do të vaksinoheshin. Edhe pse kishte roje, ishte e qartë se askush nuk kujdesej për rendin.
“Kisha termin një muaj më parë, por nuk më arriti dhe tani vendosa të vij. Siç të na thonë, ashtu do të bëhet”.
“U regjistrova dhe tani kam ardhur. Çfarë mendoni për masat e vendosura nga shteti që nuk mund të futeni në objektet gastronomike? Nuk jam person kompetent për këtë.”
Mjekët druajnë se virusi do të përhapet përsëri. Ditët e fundit në Strugë ka pasur numër të shtuar të vizitave në shtëpi për pacientët e sëmurë me Covid.
“Sot kemi rreth njëzet. Numri i vizitave në shtëpi me pacientë pozitiv me COVID tashmë po rritet nga dita në ditë. Ata kanë pasqyrë të mesme dhe për këtë arsye janë me vizitë në shtëpi. Shpresojmë të mos ketë më shumë se tridhjetë vizita. Valën e fundit kishim 70 vizita në ditë. Nuk mund ta durojmë, sepse kemi edhe vaksinim në terren, vaksinim të njerëzve të sëmurë.”– deklaroi Donço Lozhankoski – drejtor i qendrës së shëndetit Strugë.
Për momentin, 11 pacientë janë të shtruar në spital në Strugë, nga të cilët më i riu është vetëm 19 vjeç.
Miki Trajkoski
