Telekomi i Serbisë në bisedime për të hyrë në Maqedoni

Telekom Serbia është i interesuar të hyjë në Maqedoni – konfirmoi për Alsat drejtori e AKE-së Jeton Akiku. Informacioni është i saktë, por deri më tani nuk ka arritur asnjë kërkesë nga Telekom Serbia për notifikim në Agjencinë për Komunikime Elektronike. Sipas informacioneve të Akikut, operatori serb është i interesuar që pas Vitit të Ri të jetë pjesë e biznesit të shërbimeve telefonike dhe internetit. Jo zyrtarisht, zbulojmë se Telekom Serbia synon të blejë një nga operatorët më të vegjël të telekomunikacionit. Ky operator tashmë ka një praktikë të tillë, pra në atë mënyrë ka hyrë në Mal të Zi, ndërsa në Shqipëri negociatat për blerjen e Dojçe Telekom Albania u ndërprenë. Telekom Serbia është operator shtetëror serb i telekomunikacionit i themeluar si kompani aksionare në qershor të vitit 1997.