RMV, nesër planifikohet të fillojë vaksinimi te dy mjekë.
Në Maqedoninë e Veriut nesër paradite pritet të fillojë vaksinimi tek personeli mjekësor në hapësirat e Klinikës për sëmundje infektive në Shkup.
“Së pari do të vaksinohen dy punonjës mjekësor nga klinika infektive”, njoftojnë nga Ministria e Shëndetësisë, duke sqaruar që pas vaksinimit dy të vaksinuarit do të flasin për media, të shoqëruar me ministrin e shëndetësisë, Venko FIlipçe dhe udhëheqësen e Komitetit për imunizim, Aleksandra Grozdanova.
Në ditën e parë planifikohet vaksinimi i 260 punonjësve mjekësor.
Ndryshe, numri i të diagnostifikuarve me Covid – 19 që nga fillimi i pandemisë është 97.456, numri i pacientëve të shëruar është 88.301, 3,003 pacientë kanë ndërruar jetë, ndërsa momentalisht ka 6,152 raste aktive.
Më 14 shkurt, kryeministri Zoran Zaev ka pranuar 4.680 doza të vaksinës nga presidenti i Serbisë, Aleksandar Vuçiq, Këto vaksina janë vaksinat e para dhe të vetme deri më tani në Maqedoninë e Veriut.
