15 të vdekur dhe 247 raste të reja me koronavirus në 24 orët e fundit

Në 24 orët e fundit në vend janë regjistruar 15 viktima nga virusi korona, ndërsa janë infektuar edhe 247 persona të tjerë në 737 teste të kryera, ose 33,5 për qind e testeve, më e larta deri më sot që nga fillimi i pandemisë. Po ashtu Ministria e Shëndetësisë njofton se në 24 orët e fundit janë shëruar edhe 321 persona. Rastet aktive me koronavirus në vend janë 7 317, ndërsa 934 persona kanë humbur jetën që prej fillimit të pandemisë.