Lëvizja Vetëvendosje bëri të ditur sot se, në javën që shkoi, 27 prill, 2020, u transferuan 500 mijë euro ndihmë financiare nga Republika e Kosovës për Preshevën, Medvegjën dhe Bujanocin, për të menaxhuar krizën me COVID-19.
Dyqind mijë euro janë ndarë për Komunën e Preshevës, dyqind mijë për Bujanocit dhe një qind mijë për Medvegjën, njofton agjencia e lajmeve INA.
Për herë të parë qeveria e Kosovës tregon gatishmërinë për të ndihmuar në mënyrë solide qytetarët shqiptarë në Serbi.
Komunat shqiptare në Serbi sipas statistikave zyrtare janë më të varfra.
Pushtetarët serb shumë pak kanë investuar në këtë zona, duke synuar zbrasjen në mënyrë të heshtur.
Më herët, Qeveria e Shqipërisë dhe Kosovës patën ndarë një shumë qesharake për këtë komunë.
