Berlini zyrtar sot ka dalë me masa shtesë si pjesë e luftimit të përhapjes së koronavirusit.
Kancelarja Angela Merkel tha se është arritur marrëveshja me drejtuesit rajonalë për të kontrolluar virusin, i cili ka vrarë 70 njerëz në Gjermani dhe ka infektuar rreth 22,000 të tjerë.
“Sjellja jonë është mënyra më efektive e ngadalësimit të shkallës së infeksionit”, tha Merkel për masat e pashembullta mbarëkombëtare, të cilat pritet të qëndrojnë në vend për dy javë.
Ajo tha se Gjermania ka ndaluar grumbullimet e më shumë se dy personave pasi vendi përpiqet të ndalojë përhapjen e koronavirusit.
Kryeministri i provincës North Rhine-Westphalia, Armin Laschet, tha se anëtarët e familjes do të përjashtoheshin nga rregulli pasi ai bëri njoftimin në një konferencë shtypi sot.
