Edhe një dënim me burg pas pranimit paraprak të fajit për ngjarjet e 27 prillit.
Petre Zhezhovskit nga Shkupi iu shqiptua dënim me burg prej 2 viteve e 10 muajve për sulm ndaj truprojës së ministrit të brendshëm, Oliver Spasovski gjatë hyrjes së dhunshme më 27 prill të vitit të kaluar.
Zhezhovski ishte prej të parëve që dhunshëm hynë në sallën e konferencës ku gjendeshin deputetët e shumicës parlamentare dhe me grushte e ka sulmuar truprojën Sasho Tasevski. Ky është pranimi i tretë i fajit.
Paraprakisht me pranim të njëjtë të fajit, dënimi me burg iu shqiptua Vasko Cungarevskit dhe Dimitar Popovskit.
