Në Maqedoninë e Veriut, e hëna më 13 prill 2026 do të jetë ditë pushimi për të gjithë qytetarët për shkak të festës së Pashkëve Ortodokse, informon Struga Ekspres.
Pas festimit të Pashkëve më 12 prill (e diel), dita pasuese, e hëna e Pashkëve, shënohet si ditë jo pune për shumicën e institucioneve shtetërore, shkollave dhe një pjese të madhe të sektorit privat.
Autoritetet rikujtojnë qytetarët se shërbimet emergjente do të funksionojnë normalisht, ndërsa aktivitetet e rregullta do të rifillojnë të martën, më 14 prill.
Pushimi shfrytëzohet tradicionalisht për takime familjare dhe festime pas Pashkëve.
(Struga Ekspres)
