Sektori për Punë të Brendshme në Ohër ka paraqitur kallëzim penal kundër një personi 36-vjeçar nga Ohri, për shkak të ekzistimit të dyshimeve të bazuara për kryerjen e veprës penale “prodhim dhe vënie në qarkullim të paautorizuar të drogave narkotike, substancave psikotrope dhe prekursorëve”, shkruan Struga Ekspres.
Më 3 prill 2026, zyrtarë policorë kanë kryer kontroll në një automjet pasagjerësh me targa të Ohrit, i drejtuar nga i dyshuari, gjatë së cilës në automjet është gjetur dhe sekuestruar kokainë. Më pas, është kryer edhe kontroll në një objekt në Ohër që përdorej nga i dyshuari, ku gjithashtu është gjetur dhe sekuestruar kokainë, njoftojnë nga SPB Ohër.
(Struga Ekspres)
