Zv. Ministrja Kaltrina Zekolli Shaqiri informon se Segmenti Strugë – Qafë Thanë i Korridorit 8 është pjesë kyçe për lidhjen e Shqipërisë me Maqedoninë e Veriut. Sfida në këtë segment nuk buron nga mungesa e vullnetit të qeverisë aktuale, por nga mënyra si është hartuar projekti gjatë periudhave të mëparshme qeverisëse, pa konsultime të plota me UNESCO-n, gjë që sot kërkon respektimin e rekomandimeve ndërkombëtare për Liqenin e Ohrit.
Me përkushtimin e plotë të qeverisë, janë shqyrtuar të gjitha zgjidhjet e mundshme për të garantuar progres të vazhdueshëm, duke siguruar edhe mbrojtjen e trashëgimisë natyrore dhe zhvillimin e rajonit.
Qytetarët mund të jenë të sigurt: Struga nuk do të anashkalohet, dhe çdo vendim do të marrë parasysh interesin e tyre dhe standardet ndërkombëtare. Korridori 8 do të përfundojë, dhe sfidat e trashëguara nuk do ta pengojnë këtë.
