Gjatë ditës së sotme pritet mot me vranësira të herëpashershme dhe reshje të izoluara shiu, të cilat në disa zona mund të jenë më të theksuara.
Do të fryjë erë e lehtë deri mesatare nga juglindja, më e dukshme sidomos në luginën e Vardarit. Temperaturat do të lëvizin nga -1 deri në 4°C në mëngjes, ndërsa maksimalet do të arrijnë deri në 15°C.
Në Shkup, pjesa e parë e ditës do të jetë kryesisht me re, ndërsa pasdite priten kushte për reshje të dobëta shiu. Era do të jetë nga juglindja me intensitet të ulët deri mesatar. Temperaturat do të variojnë nga rreth 4°C në orët e hershme deri në 13°C gjatë ditës.
Sipas njoftimeve të Drejtorisë për Punë Hidrometeorologjike (DPHM), moti i paqëndrueshëm do të vijojë edhe në ditët në vazhdim. Me depërtimin e ajrit më të ftohtë, reshjet e shiut në zonat malore dhe në lartësi më të mëdha pritet të kalojnë në dëborë. Të mërkurën dhe të enjten parashikohet erë më e fortë nga lindja dhe verilindja, ndërsa nga e premtja do të dominojë era nga veriu, duke sjellë ulje graduale të temperaturave.
